Martín Lutero tuchú Reforma

Atichnaq valu ne' xaak, Martín Luteroichi b'ij. Een alalik-t Eisleben tu tenam alemania. A'e tan a' ch'ijk tu tenam Mansfeld antxh tulb'al Alemania, tul Oksalt Escuela. A' nikichisa' vi b'aal tx'ioloichiq'ij lai b'ana.

Ok tu Universidad Erfurt uva' si tz'eq iyab' si b'ant 1501, tul tzoqp vi tchusb'al tu yab' 1505. A' nikich itchus ti' uva' laich b'ens juez (ajb'ek'b'alt ku yolb'al).

Tu 2 de julio t-1505 b'il kuxhichi tzoq vi tchusb'al. Aalich iq'a'v t-totzotz tul Litz'eliku'l valu rayo stiib'a tul tuulkuxh tela'.

Tzitzi kuxh ixe't B'enoq t-Iglesia, Ik'ayi vet el in'qa ilibro tetz Juesil.

Okvetka tu Convento tetz Erfurt tu 17 de julio t-1505.

Tu yab' 1507 okvet s-sacerdoteil tu Iglesia católica tu tenam uva'e.

Ya'ne xe't ti' Itchusux u Biblia. Tan ye'xhab'il nikich tchusun u Biblia tu tiempo uva'e, tul ta'nkuxh atil

ichka u biblia tu yolb'al Hebreo, Griego, tuch' arameo. Itchusetz vi nuqul tul tilvete' jitichxhi nuqul u Iglesia Católica. Itz'ib'aetz vet inq'ai 95 txumb'al uva' nikichisa' u Bliblia la b'anaxi. Tul elu'l o'va'lste uva' mas niki txakun tulb'al uq¡ijkusaq a'etze inq'aa.

- Ta'nkuxh u Biblia vinuqul. Tul ye'xhkam va'to'q la oksal s-tej atz jitoq la esal s-tej.

- Ta'nkuxh u k'uq'leb' a k'u'l Tiuxh. Kamxhetz la uli tan kolel axh ta'n Tiuxh.

- Oykuxh u chitb'al kat b'anaxi. Tuch'kuxh uva' laa qej Jesus vi k'aol Tiuxh tul la aq'ka va pa'v ti q'ab' la chitpik axh.

- Ta'nkuxh Jesús laa nima s-tiib'a kaqa'yil inq'a eesanal t-b'ey.

- Ta'nkuxh Tiuxh la oksa iq'ij s-tiib'a kaqa'yil kam.

A'etz inq'a inuqule ileq tu Bibla tul xe't ti' itchusux te inq'a xaol atz ex taq'ja Vatzu Tostiuxh Wittenberg, t-Alemania. Tu 31 de octubre t-1517.

Tul lakpetz vet ivi' inq'a iq'esal u Iglesia católica tul motx ooqelal vet Martin Lutero s-ta'n.

A' itz'amalichvet t'an inq'a iq'esal u Iglesia católica iyatz'axel. Tz'eqoib'etz kuxh tul okb'en ti' valu b'ey. Ya'ne okb'en mamala sol ti' iyatz'ax el, pero tulxhikolox ta'n valu rey tul a' koloxik t-valu castillo echetz ye'itz'ax ele.

Kolichetz tib' tu Castillo uva'e, talvet ka'lu yol. Tijla castillo vin Tiuxh tan kat ikol le'lin ti q'ab'u kamchil.

Ye'xh Martín Lutero yatz'axi, pero…

Tetchal ijatxp vet u Iglesia católica tuch' vi nuqul, oksaletz vet ib'ij vi nuqul s-protestante maq evangélico tan a'nikichi nima vi tchusb'al Martin Lutero uva' oykuxhu chitb'al.

Oqetz na sa'e' la ootzaqi vi nuqul ta'n kuxha nima Jesucristo uva' kat ul taq' q'ijisaq s-qi, oykuxh u chitb'

al, jit s-ti' maq axh alol iyolb'al Tiuxh, maq axh músico oq ye' kat aq'ka q'ijasaq ti q'ab' Jesucristo yek-axh tu infierno.

Jit ti' va cargo tuulb'al inq'a Iglesia la iq'on axh tu amilka', tul jitoq va puaq, tep ta'n kuxh Jesus vi k'aol Tiuxh la oksan o' tu amlika'

Seenta idos-sich (62) iyab' Martin Lutero tul kamvet ta'n ya'b'il tu 10 de noviembre tu yab' 1546.